Aktivisti Edison Lika ka bërë thirrje për vijimin e protestës edhe ditën e nesërme, duke njoftuar qytetarët se do të mblidhen pranë selisë së Partisë Socialiste, ku pritet të zhvillohet mbledhja e ministrave.
Lika deklaroi se çdo ndryshim në kabinet apo në strukturat partiake nuk do ta ndalë protestën.
Ai tha se kërkesa e protestuesve mbetet e njëjtë, dorëheqja e kryeministrit dhe e qeverisë, ndërsa shtoi se të njëjtën kërkesë do i përsërisin edhe para selisë rozë, ku dhe do “mirëpresin” ministrat me vezë.
“Nesër në orën 17:00, kushdo që mundet të bashkohet para PS-së dhe aty t’u urojmë “mirëseardhjen” ministrave të Ramës, që nuk janë ministrat tanë. Nuk na përfaqësoni! Nuk na përfaqësoni! Nuk na përfaqësoni!…”, tha Lika.
Aktivisti theksoi se protesta ka arritur në prag të tre muajve që nga nisja e saj, pavarësisht përpjekjeve për të mos e lejuar të vijojë deri në shtator.
Aktivisti Edison Lika: Siç e thamë dhe më herët, ditën e nesërme, Edi Rama do të mbledhë ministrat te PS-ja, se ka filluar t’i ngatërrojë rolet mes partisë dhe qeverisë. Por ne do të jemi nesër aty për t’i treguar se asnjë ndryshim në qeveri, asnjë ndryshim në parti, nuk e ndal këtë protestë.
Ne do të jemi nesër aty, për t’i kërkuar dorëheqjen Ramës dhe të gjithë qeverisë. Dorëheqje! Dorëheqje! Dorëheqje!… Çfarë kërkojmë? Dorëheqje! Dorëheqje! Dorëheqje!…
Nesër në orën 17:00, kushdo që mundet të bashkohet para PS-së dhe aty t’u urojmë “mirëseardhjen” ministrave të Ramës, që nuk janë ministrat tanë. Nuk na përfaqësoni! Nuk na përfaqësoni! Nuk na përfaqësoni!…
Kanë bërë çmos që kjo protestë të mos e arrijë shtatorin, por kjo protestë arrin nesër tre muaj nga dita e parë dhe i ka rritur falë rezistencës së secilit prej jush që është në shesh. Nesër përsëri, në të njëjtën orar, do të jemi këtu ku jemi çdo ditë, por do të jemi edhe më shumë.
Discussion about this post