Gjatë një interviste televizive, ish-kandidatja për kryetare e PD-së, Edith Harxhi, bëri një deklaratë të fortë drejtuar kreut të PD. Ajo tha se Basha e përjashtoi Sali Berishën për t’u pajisur me vizë amerikane.
Sipas saj, Basha e ka marrë në këto ditët e fundit vizën për në SHBA, se më parë nuk mund të udhëtonte. “Kam thënë e para që Basha nuk mund të udhëtonte se nuk kishte marr dot një vizë diplomatike. Deklarata e Kokalarit qëndron. Por unë kam informacione që ditët e fundit Basha është pajisur me vizë ditët e fundit. Pengu është gjithmonë peng dhe jam e sigurt që ai ka arritur të bëjë atë që mendonte që mund të çonte në SHBA dhe e kreu misionin”, tha Harxhi.
Ndër të tjera ajo tha se, PD është tani në krizë të thellë dhe kjo për shkak se prej kohësh ka mbetur pa drejtues. Sipas saj, Basha nuk është një lider i denjë për një parti aq të madhe sa PD. Sakaq ajo tregoi se do të angazhohet vetë për të mbledhur firmat e nevojshme për largimin e Bashës nga PD.
“Kriza politike që ka PD është ajo e cila që mban të frenuar ndërgjegjësimin e popullsisë. Bashën kam muaj që nuk e quaj më kryetar, duhet të ishte larguar, nuk ishte larguar ende. Mendoj që është një krizë e thellë. Ka një rënë të madhe, kriza më e fortë se e 97’. Ne kishim një lidership atëherë, por nuk e kemi më. Po shkohet drejt një Kuvendi Kombëtar. Absolutisht që mund të mblidhet dhe një numër i madh firmash nga anëtarët mund të kalojnë në disa ndryshime rrënjësore por pse jo edhe përjashtimin e Bashës. Jam e sigurt që mund ta bëjë. Kur ta bëjë do kemi demokraci për herë të parë pas 30 vitesh. Basha nuk ka marrë votëbesim nga PD për faktin se ai nuk është votuar as nga gjysma e anëtarëve që doli në votim atë ditë”, vijoi Harxhi.
Ndërsa në lidhje me deklaratën e ambasadores Yuri Kim, ajo tha se ishte një sinjal mbështetës për PD, por jo për Bashën si lider.
E.H/ gijotina.com/
