Për të gjithë ata që i konsideruan si zgjedhjet “më demokratike” dhe të drejta (në veçanti, për riliandasit), ja çfarë paradoksesh mbolli e djela e 25 prillit elektoral:
- Bashkim Fino, edhe i vdekur merr 182 vota preferenciale, ndërsa Naltmadhnia e tij, Kujtim Gjuzi, pas një fushate “të jashtëzakonshme” merr plot… 3 vota
- Një parti si LSI merr 107533 vota dhe nxjerr 4 deputetë, teksa PSD e Tom Doshit me vetëm 35476 vota merr 3 deputetë
- Ornaldo Rakipi, i renditur i 32-ti në listën e Tiranës, që me shumë, shumë gjasa nuk e di as se ku është dera e selisë së Partisë Socialiste, merr 13994 vota personale dhe hyn në parlament, mbetet jashtë as më shumë dhe as më pak sesa Kryetarin e PS-së për Tiranën, Ervin Bushati (2003 vota)
- E uruan aq shumë humbjen e Bashës dhe PD-së, duke pohuar se do ishin në parlament, sa mbeten edhe vetë jashtë: Jozefina Topalli (598 vota në Shkodër), Astrit Patozi (706 vota në Tiranë), Myslim Murrizi (556 vota në Fier) dhe Rudina Hajdari (517 vota në Elbasan)
- Aleatët e Bashës në listën e sigurt, që me llogjikë do duhej të sillnin të paktën 50 mijë vota, dhe u zotuan ta bënin një gjë të tillë, realisht nuk i sollën PD-së vota as për 1 deputet e gjysëm: Fatmir Mediu (5915), Shpëtim Idrizi (6598), Vangjel Dule (693), Mesila Doda (2000) dhe Dashamir Shehi (4787)
