Një ngjarje e rëndë është shënuar mëngjesin e sotëm në qendër të Tivar në Mal të Zi, ku është ekzekutuar me armë zjarri Edmond Mustafa.
Mediat malazeze bëjnë me dije se Mustafa ishte duke pirë kafe nën shoqërinë e së motrës. Në momentin kur kanë dalë nga lokali dhe janë nisur drejt makinës, një person iu është afrua dhe e qëlloi me breshëri plumbash drejt Edmond Mustafës.
Pasi ka qëlluar për vdekje shqiptarin, autori është larguar me motoçikletë. Dëshmitarët okularë thonë se vrasësi i është afruar Mustafës nga prapa dhe ka qëlluar në një distancë prej 10 metrash. Motra e tmerruar nga ngjarja ka nisur të ulërasë dhe të kërkonte ndihmë për të vëllanë.
Policia malazeze ka vënë në pranga autorin e vrasjes së 29 vjeçarit shqiptar, Edmond Mustafa paraditen e së martës në Tivar. Mediat vendase raportojnë se autori i dyshuar është identifikuar si Dino Ibrahimovic, i cili sipas gazetës Vijesti, i përket grupit të organizuar kriminal të klanit Škaljari.
Discussion about this post