Deputeti i PD, Edmond Spaho, ka komentuar sot në Kuvend propozimin e qeverisë për të hapur Akademinë e Barinjve. Sipas Spahos, nuk është problemi tek mungesa e barinjve që sektori nuk ecën, por tek organizmi dhe mbështetja. Sipas Spahos, grumbulluesve të qumështit u leverdis më mirë ta marrin qumështin nga Serbia, pasi madje u biem më lirë se nga blegtorët shqiptarë. Çka do të sjellë falimentim të prodhuesve shqiptar.
“Edhe themi që do krijojmë akademinë e barinjve, çobanëve. Por problemi i parë nuk është çobani, problemi i parë është të kemi numër krerësh, të kemi dele dhe lopë, e këto po vijnë e po vijnë duke u pakësuar nuk po i mban më njeri, ka rënë çmimi i qumështit, nuk është më efektiv, më shtrenjtë i bie uji se sa qumështi. 320 lekë niset qumështi nga Serbia, 350 lekë i shkon këtu në Shqipëri.
Blegtorëve tanë i mblidhet në rastin më të mirë me 420 lekë. Po mirë ky grumbulluesi pse duhet të shkojë te blegtori shqiptar, e merr në Serbi ai. E sjell këtu me 350 lekë e na rrofshin ne ato parullat do zhvillojmë blegtorinë do rrisim numrin e krerëve etj. Ore kjo është ekonomi tregu po nuk e more ne mbrojtje që ti vësh taksa prodhimit atje kur hyn do rrënosh prodhimin tënd”, tha ai.
Ndër të tjera, Spaho shprehu shqetësimin, po ashtu për rritjen e çmimit të qumështit pas 1 janarit të vitit 2022. Sipas tij, është e gabuar që qeveria nuk mendon për kostot e tjera që janë fermerët, që rrjedhimisht do të reflektohen në çmimet e produkteve për qytetarët.
“Kjo masa, ulja e TVSH 6% para dy vitesh dhe zerimi që po i bëjnë tani do rrisë edhe çmimin në treg Kur aplikuam me 6% e rriti nga 130 në 150 lt e qumështit që shitet në treg, këtu do e rrisë edhe pas 1 janarit kur të aplikohet kjo masë. Dhe veç kësaj shikoni dhe kosto të tjera që kanë blegtorët që ne s’na bien ndërmend’, tha Spaho, ndërsa i kërkoi qeverisë të mos merren me dokrra të tilla.
Discussion about this post