Kryeministri Edi Rama ka komentuar videon virale në rrjet të ministres së Sipërmarrjes Edona Bilalit, e cila e quante atë Zeus, duke ia kaluar dhe Spiropalit që e konsideronte si Skënderbeu.
Rama iu përgjigj komentit të një qytetareje në Facebook, e cila me ironi i kërkoi të mos delironte edhe pse është quajtur Zeus, ndërsa ky i fundit ia kthen duke e quajtur deklaratën e ministres si ironi, duke shtuar se në atë kohë as nuk e njihnin njëri tjetrin.
Ndër të tjera, Rama ka komentuar edhe çështjen më pikante të momentit, ata të rritjes së çmimit të naftës dhe produkteve të shportës, ku shtoi i prerë se taksat e naftës nuk do të ulen pavarësisht vështirësive të qytetarëve.
Komenti: Fakti që Edona ju shikon si Zeus mos delironi.
Rama: E para Edona e ka thënë atë në vitin 2017 kur as e njihja dhe as më njihte dhe për çdo shqiptar që kupton shqip dhe dëgjon atë që thuhet, ajo ka bërë ironi me mua, e që ta dinë ata që e përflasin këtë pjesë, një nga arsyet pse e kam ftuar Edonën në PS ka qenë fakti se ishte një njeri kritik me PS nga shoqëria civile! E dyta fatura e energjisë nuk varet nga sa njerëz ka në shtëpi po nga konsumi dhe nëse të vjen aq shumëzoje për 5 se aq e ka çmimin real sot energjia dhe kije parasysh që atë pjesën tjetër ta paguan qeveria! E treta faturat e energjisë e të ngrohjes në Europë i kam parë, marrë një nga ata familjarët që ke në Gjermani e ma posto që të bëjmë krahasimin! E katërta për naftën e ke shpjegimin të gjerë e të gjatë në video mjafton ta dëgjosh! E pesta çmimet e shportës ti nuk i ke pas njëjtë me apo më shumë se gjermanët përveçse në ndonjë ëndërr që mund të kesh parë dhe sot nuk i ke absolutisht njëjtë se shumë më shume jo e jo! Dhe e fundit, taksat e naftës nuk do të ulen, për të gjitha arsyet qe i ke edhe në këtë video dhe që po të duash mund t’i dëgjosh! Shëndet e mbarësi”.
Discussion about this post