Eduart Brahilika: Votoni për një drejtim të ri në Mat

Kandidati i pavarur i mbështetur nga opozita në Mat, Eduart Brahilika, u drejtua ndaj qytetarëve me një mesazh për ndryshim në qeverisjen lokale.

Ai theksoi gjithashtu se kishte hyrë në këtë garë me bindjen për të siguruar që populli i Matit të votojë i lirë, duke shtuar se sfidat me komisionerët dhe administratën pranë qendrave të votimit janë probleme të përhershme dhe jo vetëm në Mat.

“Mesazhi im për qyteratët është të mendojnë për një drejtim të ri, një ndryshim për mënyrën se si është qeverisur Mati. Votoni për ndryshimin. Shqipëria po tkurret çdo ditë. Nuk kemi ku ti marrim njerëzit. Vendi po braktiset çdo ditë. Nuk është faji im si kandidat.

Kur kam hyrë në këtë garë kam hyrë me bindjen e plotë për të marrë të gjitha masat që populli i Matit të votojë i lirë.

Komisionerë në qendra votimi dhe punonjës të administratës publike pranë qendrave të votimit janë problem gjithmonë dhe jo vetëm në Mat”, tha Brahilika.