Edukatorja 27-vjeçare, Redina Binjaku, i ka dërguar ditën e sotme një letër Gjykatës së Fierit ku i bën me dije se e ka të pamundur të marrë pjesë në seancën ndaj saj, pasi nuk ishte mirë psikologjikisht.
Binjaku shpreh ngushëllimet për familjen e 3-vjeçarit dhe thotë se si pasojë e gjendjes së saj tepër të rënduar, e ka të pamundur të marrë pjesë në këtë seancë, ndaj ka kërkuar përfaqësimin nga avokati i saj, Ylli Asimetaj.
“Unë shtetësja Redina Binjaku mora njoftim për seancën gjyqësore të datës 11.01.2022 ora 10:00. Në radhë të parë I shpreh ngushëllimet më të sinqerta familjes së të miturit. Jam shumë e ngarkuar psikologjikisht prej situatës në të cilën ndodhem. Për këtë shkak nuk mund të marr pjesë në zhvillimin e seancës për vleftësimin e arrestit dhe caktimin e masës së sigurimit personal. Kërkoj të përfaqësohem nga avokati im Ylli Asimetaj, Anëtar i Dhomës së Avokatisë Fier.”, ka shkruar në letrën e saj edukatorja 27-vjeçare drejtuar Gjykatës së Fierit.
Gjykata e Fierit la sot në masën e “arrestit me burg” me afat 30-ditor edukatoren 27-vjeçare, e cila do duhet të qëndrojë në qeli deri në përfundim të hetimeve.
Discussion about this post