Edvin Murati: Kjo kombëtarja më e mirë, ja lojtari që simpatizoj

Edvin Murati mendon se kombëtarja aktuale kuqezi është një nga ekipet më të mira që Shqipëria ka pasur ndonjëherë.

“Mendoj se nga të gjitha kombëtaret, kjo është kombëtarja më e mirë”, tha Murati.

“Çfarë mund të themi për këtë kombëtare që ne nuk kemi pasur këtë pankinë asnjëherë. Pankina mund të jetë më e mirë se titullarët. Kemi shumë alternativa dhe kjo është gjë shumë e mirë, shumë pozitive për të gjithë”, shtoi ai.

Ish-futbollisti i Shqipërisë tha se lojtari që pëlqen më shumë është Mitaj pasi mban të njëjtin pozicion si ai kur luante.

“Mitaj më pëlqen shumë sepse është një lojtar me ide, një lojtar teknik, një lojtar që merret me ekipin, funksionon mirë, pozitiv. Mitaj më kujton Altin Haxhin. Ka një të ardhme shumë të mirë dhe një djalë shumë i mirë”, tha Murati.