Pas vaksinimit me dozën e tretë, kryeministri Edi Rama është shfaqur i tensionuar teksa foli para mediave. Gjatë fjalës së tij, Rama është përplasur me njeri nga gazetarët i cili e pyeti se përse nuk njihet imuniteti natyral pas kalimit të Covid-19.
Rama e ofendoi këtë të fundit duke e konsideruar si marrëzi pyetjen e tij, ndërsa gazetari vazhdoi duke thënë se kishte paguar plot 1 milionë e gjysmë lekë për trajtimin e nënës së tij të infektuar nga virusi edhe pse ishte vaksinuar.
Gazetari: Pse nuk e njihni imunitetin natyror?
Rama: Kjo ka të bëjë me shërimin, unë po flas për vaksinimin. Mos e ngatërro dynjanë të lutem shumë. Pse bën debat me mua se nuk kam ardhur të bëj debat me ty. Unë po flas për ata që janë të vaksinuar.
Gazetari: Ju nuk pajisni qytetarët me certifikatë pasi e kanë kaluar virusin.
Rama: Ka ndonjë pyetje tjetër?
Këtë nuk e vendos unë por e vendos komiteti, ajo që dua të them është të mos bëni konfuzion sepse nuk e përjashton njeri atë të imunitetit natyror. Ne po flasim këtu për ata që duan të vaksinohen. Unë thash që në Shqipëri ka një grup që u beson pallavrave të internetit që besojnë se një plan global po bëhet dhe kjo është e dëmshme.
Gazetari: Nëna ime ishte vaksinuar dhe u sëmur rëndë. Kam paguar 1 milionë e gjysmë lekë për trajtimin e saj.
Rama: Si nuk të vjen zor që bën këtë debat këtu? Ja kjo është injoranca dhe marrëzia e cila bëhet propagandë. Kjo është injorancë e madhe sepse është e thënë se vaksina nuk të mbron nga infektimi, shikoni shifrat sa janë këta dhe sa janë ata që janë vaksinuar dhe janë të mbrojtur.
Më herët, Rama paralajmëroi qytetarët të vaksinohen, ndryshe nuk do të lejohen të punojnë, ndërsa gazetarët i kërcënoi se nuk do të futen në konferenca shtypi.
Discussion about this post