Në prag të sfidës për sezonin e ri futbollistik në “Abissnet Superiore” përball Tiranës ka folur trajneri i kampionëve në fuqi, Nevil Dede. Ai ka folur rreth objektivave dhe pritshmërive për sezonin e ri. Ndeshja do të luhet në stadiumin “Arena Egnatia” duke filluar nga ora 21:00.
“Mendoj që gjendja e lojtarëve tanë sidomos ajo psikologjike është e mirë, kam kuptuar që realisht në arenën e të mëdhenjve ne u ballafaquam denjësisht, meritonim më shumë, por nuk ja dolëm dot, gjithsesi kemi një ndeshje tjetër. Le të kthehemi tek kampionati, gjendja fizike dhe shëndetësore por sidomos psikologjike dhe harmonia në grup është maksimale dhe kjo më gëzon si fakt.
Kemi dy mungesa shumë të rëndësishme si Bakayoko i cili do kohën e tij të rikuperimit pas ndërhyrjes kirurgjikale e cila doli me sukses dhe i uroj shërim të shpejtë dhe Aime për një trajtim që ta kemi sa më shpejt që të jetë e mundur pranë skuadrës.
Unë mendoj që ky sezon i ri na gjen në një gjendje të mirë e gjithë skuadra dhe mbështetja e klubit ka qenë maksimale dhe besojmë që jemi gati për t’u përballur me kundërshtarin e radhës që kemi në hapje të kampionatit.
Ka shumë element që ndikojnë në përgatitjen e kësaj ndeshje, mbi të gjitha është ditët e pakta që kemi në gjendje dhe besoj që edhe lojtarët kanë nevojë për rikuperim por edhe për të pushuar. Por në fund fare besoj që edhe një periudhë e gjatë ku ne kemi filluar dhe po luajmë rregullisht në kompeticionet europiane.
Egnatia është historia e momentit e futbollit shqiptar dhe këtë duhet ta dinë mirë të gjithë. Besoj që është një përballje e bukur ajo me Tiranën, çdo kush do të kishte dëshirë të ishte pjesë jo vetëm për ta luajtur por edhe për ta përjetuar këtë përballje. Egnatia-Tirana nuk është vetëm një ndeshje, por një vitrinë luksi për Abissnet Superioren.
Jam i bindur apo i lumtur më mirë do të thoja me këtë grup djemsh, me këta futbollist, ata nuk kursehen në stërvitje jo më në një ndeshje kampionati prap nuk bënë ndonjë diferencë të madhe dhe nuk më sjell mua lodhje apo kokëçarje për tu fokusuar tek impenjimi, motivimi. Unë mendoj që djemtë janë gati për përballjen hapëse të sezonit dhe mos harrojmë që ne tani duhet të jemi në fokus në çdo moment”, u shpreh trajneri Nevil Dede.
Discussion about this post