Egnatia ka zhvilluar një merkato cilësorë duke qenë tepër aktive. Rrogozhinasit pretendojnë të mos jenë kalimtar në Superiore por të shndërrohen në protagonist.
Aleandro Daka dhe Petros Silidhis kanë firmosur me klubin rrogozhinas, që bën të qartë se ata të rinj që do i shërbejnë klubit për të ardhmen më shumë se për të tashmen.
Ndërkohë ndryshe ndodh me Arsenio Valpoort, i cili vjen për të lënë menjëherë shenjë në Superiore.
Ndërkohë që afrimi më i bujshëm pritet të jetë Bruno Telushi. Mesfushori ka akord me rrogozhinasit dhe sot ishte i pranishëm në stadium në miqësoren me Apoloninë, e fituar 2-1 nga skuadra e Gugash Maganit. Egnatia do të lujë ndeshjen e parë këtë edicion në shtëpinë e saj ku ka ndërtuar në kohë rekord impiantin e ri.
