Rrogozhinasit u shfaqën dominues që në startin e sfidës dhe krijuan raste të panumërta të njëpasnjëshme duke vënë në rrezik vazhdimisht Tafas me goditjet drejt portës, ku Buriç ishte protagonist i disa mundësive të shpërdoruara. Gjithsesi, sulmuesi ia doli të gjente rrjetën dhe t’i jepte avantazhin ekipit të tij në pjesën e parë ku bardheblutë ishin me fat që e mbyllën me vetëm një gol të pësuar.
Një situatë që mërziti tifozët bardheblu, të cilët në shenjë revolte të ekipit dhe presidentit Halili dogjën disa shkallë të stadiumit, duke iu vënë flakën. Situatë që ndërpreu për disa minuta ndeshjen.
Megjithatë, Albanese pak çaste pas startit të pjesës së dytë, dyfishoi shifrat me një gjuajtje nga distanca dhe aty praktikisht çdo rezistencë e Tiranës mbaroi. Edhe Egnatia filloi të administronte rezultatin, por pa lejuar thuajse asnjëherë bardheblutë që t’i rrezikonin deri në vërshëllimën përfundimtare që u dha tre pikët kampionëve në fuqi.
EGNATIA-TIRANA 2-0
28′ Buriç, 48′ Albanese
28’ GOOOL EGNATIA! Vogli shfaqet para portës por gabon duke mos mposhtur Dajsinanin, Ky i fundit nis një kundërsulm të shpejtë, i cili në fund finalizohet nga Buriç. (VIDEO)
48’ GOOOL EGNATIA! Albanese merr topin në mesfushë, bën pak hapa dhe lëshon një gjuajtje nga 25 metra që befason Tafas. (VIDEO)
FORMACIONET ZYRTARE
EGNATIA: Dajsinani, Xhemajli, Sota, Haime, Ndreca, Aleksi, Fernando, Ruçi, Albanese, Selmani, Buriç.
Trajner: Edlir Tetova
TIRANA: Tafas, Vera, Valerianos, Dembele, Lleshi, Marku, Soler, Haxhiu, Vogli, Tabeku, Mensah.
Trajner: Roberto Bordin
Discussion about this post