Ekipi i Egnatias i ka dhënë lamtumirë kompeticioneve europiane, pasi është eliminuar në turin e tretë të Ligës së Konferencës nga kampionët sllovenë, Olimpija Ljubljana. Pavarësisht një loje të fortë dhe dramatike, Egnatia u mposht me rezultatin e përgjithshëm 4-2.
Ndeshja e kthimit nisi me shpresë, pasi Regi Lushkja zhbllokoi shifrat në minutën e 6-të. Por, sllovenët barazuan me Jelenkoviç në minutën e 31-të. Megjithëse Olimpija kaloi sërish në avantazh me Marin në minutën e 78-të, një tjetër supergol i Lushkjes në minutën e 86-të dërgoi ndeshjen në kohën shtesë.
Në kohën shtesë, skuadra sllovene e shfrytëzoi më së miri epërsinë e saj numerike. Durdov shënoi në minutën e 99-të, ndërsa Blanko vulosi rezultatin në minutën e 107-të, duke i dhënë fund ëndrrës europiane të Egnatias. Pavarësisht eliminimit, ekipi shqiptar la një përshtypje të mirë dhe zhvilloi një lojë dinjitoze kundër një ekipi të fortë.
Discussion about this post