Egnatia-Elbasani/ Ndërpritet ndeshja në Rrogozhinë, tifozi bie nga tribuna

Prej disa minutash takimi mes Egnatias dhe Elbasanit është ndërprerë.

Bëhet me dije se pasi ishte duke u zhvilluar minuta e 79-të e sfidës, një prej tifozëve ka rënë nga tribuna, dhe është transportuar menjëherë me autoambulancë për në spital.

Tifozi në fjalë është rrëzuar nga tribuna ballore duke përfunduar në pistën e stadiumit. Bakajoko i Egnatias ishte i pari që sinjalizoi për mjekët të shkonin me shpejtësi me më pas edhe lojtarë e tjerë të cilët kërkuan menjëherë afrimin e ambulancës.

Ndeshja u ndërpre për disa minuta, sa u bë shoqërimi me ambulancë i tifozit në spital dhe u dha informacioni se situata e tij ishte normalizuar. Gjithashtu, pritej kthimi i ambulancës, pasi nuk mund të vijonte loja pa praninë e saj.

Fatmirësisht spikeri i stadiumit në Rrogoshinë konfirmoi se gjendja e tifozit ishte e mirë, ndërsa sfida nisi normalisht.