Egnatia arriti një kualifikim historik, përballët Dinamo Minsk me rezultatin e përgjithshëm 3 me 0, duke avancuar për në turin e tretë të Ligës së Konferencës, ku do të përballen me sllovenët e Olimpja Ljubjanës, që në raundin e dytë eliminuan Inter Eskaldes nga Andorra me rezultatin 5 me 3.
Vlen të theksohet fakti se te skuadra e Olimpja Ljubjanës aktivizohet ish-mesfushori i Tiranës, Jurgen Celhaka, i cili u bashkua me skuadrën sllovene si lojtar i lirë nga Legia e Varshavës.
Në përballjen e turit të tretë, Olimpja Ljubjana, vjen si favorite në letër, ndërkohë që në krahun tjetër Egnatia, do të tentojë gjithçka për gjithçka për të vijuar më tej. Dueli i parë do të luhet në datën 7 gusht në Ljubjanë, ndërsa i kthimit pas një jave në Rrogozhinë.
Discussion about this post