Trajneri i Egnatias Edlir Tetova ka dalë në prononcim për shtyp ditën e sotme, në pragë të finlales kundër Dinamos, e planifikuar nëser prej orës 19:00, stadiumi “Air Albania”.
Për Tetovën, ky është rast ideal që të marr “hak” ndaj Ilir Dajës për finalen e humbur në Kupë gjatë sezonit 2024-2025.
Si e përshkruani gjendjen e skuadrës dhe përgatitjen për këtë ndeshje?
Sigurisht që është një event ku ndeshen dy ekipet më të mira momentalisht, konkretisht fituesi i Kupës ndaj atij të kampionatit. Për këtë duel jemi të plotë. Skuadra është përgatitur mirë gjatë kësaj periudhe për këtë ndeshje. Presim që ta shijojmë.
Egnatia vjen si fituesja e trofet, më tepër përgjegjësi apo avantazh psikologjik?
Për mua nuk është asnjëra nga të dyja. Kjo është një kupë më vete. Një përmbledhëse po themi. Sigurisht që ne kemi marrë masat tona. Mendojë më tepër te loja e bukur.
Çfarë do e bëjë diferencën e fituesit në këtë finale?
Shpresojë që fituesi të shpallet brenda 90 minutave. Dinamo ka bërë një gjysmë kampionati të mirë këtë sezon. Jam i bindur që këtë formë ata do e tregojnë edhe nesër. Po ashtu edhe ne gëzojmë rendiment bindëse.
Ballafaqimi me Ilir Dajën, çfarë e bën interesante?
Mos të harrojmë, Daja ka qenë edhe trajneri im, sigurisht që ka përvojë më shumë se unë. Persinalisht kam shumë pak vite në Superiore, ama kjo s’do të thotë asgjë. Dueli do të jetë mes lojtarëve në fushë, sigurisht me idetë tona.
Sa ndikon stadiumi “Air Albania” emocionalisht dhe në qasjen taktike?
Ndeshja luhet në një nga stadiumet më të bukura në Europë. Shpresojë që ashtu siç është stadiumi kaq i bukur, të jetë edhe dueli nesër.
Ruajtja e identitetit të lojës edhe në një finale ku rezultati është vendimtar?
Ruajtja e identitetit si Egnatia është përgjegjësi në thonjëza. Por, më tepër është te loja e luajtur, aty ku unë kam pikat e mija. Të kënaqim tifozët, shpresojë që edhe Dinamo të mbajë të njëjtin profil nesër.
Mesazhi për tifozët dhe lojtarët e Egnatias?
Lojtarët e kanë të qartë se çfarë duhet të bëjnë nesër në fushë. Përsa i takon tifozëve, ne kemi nevojë për ata.
Discussion about this post