Triumfi në Kupën e Shqipërisë duhet të jetë thjesht preludi i një feste të madhe për suksesin historik: fitimin e kampionatit. Egnatia kërkon të shkruajë historinë në finalen e madhe të “Final Four”, ku ka përballë një kundërshtar shumë të fortë si Partizani. Trajneri i rrogozhinasve, Edlir Tetova, beson se futbollistët e tij e kanë përvojën për ta mbyllur sezonin me trofeun madhor.
“Kemi udhëhequr që nga java e 3-të. Skuadra është maksimalisht e përqendruar dhe e kemi përgatitur gjithçka në detaje. Besoj se do të bëjmë më të mirën. Lojtarët do të luajnë me të gjitha forcat e tyre.”
Dobësitë e kundërshtarit: “Nuk dua të shprehem për këtë pjesë. Gjithkush merr masat e tij. Mendoj vetëm për ekipin tim dhe si të japim maksimumin.
Rëndësia e përvojës: “Nuk besoj se vlen eksperienca. Është një format i ri dhe gjithçka e re. Ekipi im pas Kupës ka entuziazëm dhe jam i bindur se do të japim më të mirën.
Superkupa? Është diçka të tjetër dhe besoj se kjo finale ka dinamikë tjetër. Rast i rrallë që për 1 vit të prekësh 4 finale. Kjo i bën mirë ekipit të luajë në finale dhe finalja e Superkupës dhe ajo e nesërmja nuk kanë asnjë lidhje.”
Discussion about this post