Nga Gjermania po bie një “sh**storm” mbi SSC Napolin pas vendimit të Ministrisë së Brendshme Italiane për të ndaluar udhëtimin, drejt Gadishullit Apenin, të tifozëve të Eintracht Frankfurt për ndeshjen e dytë të fazës 1/8 të UEFA Champions League, e planifikuar për në 15 mars në stadiumin “Diego Armando Maradona”, dispozitë që lidhet me precedentët e përplasjeve mes tifozëve që ndodhën në rrugët e Frankfurtit qendror gjatë ndeshjes së parë.
“Vendim i rëndë dhe ndërhyrje serioze nga shteti italian”, gjëmon CEO i klubit gjerman Axel Hellmann. “Napoli duhet të përjashtohet nga kompeticioni”, tha këshilltari i qytetit të Frankfurtit, Maximilian Klockner, duke kaluar në ekstrem:
“Ne nuk marrim pjesë në drekë apo darkë me Napolin”. Dreka mes delegacioneve, tashmë është anuluar, raporton “Corriere dello Sport”. Në ndeshjen e parë, Napoli fitoi 2-0 në Gjermani.
“Është një ngjarje unike dhe për herë të parë në futbollin evropian të klubeve. Është një ditë e trishtuar për futbollin, është një vendim i pakuptueshëm që rrezikon integritetin e garës,” tha Philipp Reschke, anëtar i bordit të klubit të Frankfurtit.
Gjatë ndeshjes së Ligës së Kampionëve kundër PSG-së, tifozët e Bayern Munichut donin të solidarizoheshin me ata të Eintracht Frankfurt duke shfaqur një pankartë të gjatë kundër ministrit të brendshëm italian Matteo Piantedosi me një fyerje të shkruar në italisht.
Discussion about this post