Einxhel Shkira, ish-banorja e edicionit të parë të “Big Brother VIP”, ishte ditën e sotme e ftuar në emisione “Live From Tirana”, ku ka folur për marrëdhënien e krijuar brenda shtëpisë më të famshme me Dj Dagz.
Moderatorja e njohur, e cila në fillim nuk donte që të krijonte lidhje brenda BBV në Shqipëri, është shprehur se nuk ka gjë të gabuar të krijosh një lidhje në ekran.
“Nuk ka asgjë të keqe të lidhesh në ekran.”
Nga ana tjetër, Einxhel ka shtuar se ja ka vlejtur që është lidhur në “BB VIP”, pasi ka shumë kujtime të bukura. Madje është shprehur se miqtë e saj e kanë parë për herë të parë se si ajo është në një raport intim.
“Mendoj se deri në momentin që ti e sheh që ai është i gatshëm të jetë aty për ty në çdo moment, të do ashtu si je, mendoj që mjafton dhe sakrifica ja vlen. Nuk ka asgjë të keqe të lidhesh në ekran, nuk e kisha bërë kurrë, shoqëria më ka parë për herë të parë në “Big Brother” si kam qenë në një raport intim, ja ka vlejtur sepse kam kujtimet më të bukura. Më duket si film lidhja jonë dhe jam krenare për rrugëtimin tonë si çift. Mendoj se kujtimet nuk mjaftojnë, duam të kemi më shumë. Gjithçka tjetër ka mjaftuar që unë të besoj që Dagzi është njeriu që unë dua. Kam mundësi t’i them nëpërmjet radios suaj që: ‘Hey Dagz, të du fort’.”
Së fundmi, kujtojmë që Einxhel Shkira dhe Dj Dagz po shijojnë dashurinë jashtë shtëpisë së “Big Brother VIP” dhe çifti shfaqet më i dashuruar se kurrë në rrjetet e tyre sociale.
Discussion about this post