Einxhel Shkira dhe Donald Veshaj kanë pasur një debat shumë të fortë para disa ditësh, ku treguan rreth përplasjes që kanë pasur me njëri-tjetrin jashtë shtëpisë së “Big Brother VIP”.
Einxhel e akuzoi Donaldin dhe vëllain e tij, Romeon, se e kanë hequr nga puna. Madje ajo nuk e la me kaq, pasi shtoi se nuk i ka dhënë lekët. Donaldi nga ana tjetër bëri akuza të rënda ndaj Shkirës, duke i thënë se nuk ishte aspak e disiplinuar në punë.
Teksa debatonin me njëri-tjetrin, Einxhel dhe Donald nuk lanë pa përmendur edhe emra të tretë apo televizionet ku kanë punuar më parë.
Një ndër emrat që përmenden është ai i aktores së njohur, Mariana Kondi, e cila ka qenë pjesë e projektit të përbashkët të Shkirës dhe Veshajt. Mariana ka reaguar përmes një postimi në “Instastory” ku shkruan fare shkurt: “Pa fjalë”!
Teksa ka biseduar me Arjolën për debatin dhe faktin që ka përmendur emra të tjerë, ndër ta dhe të aktores, Einxhel është penduar dhe i ka kërkuar ndjesë publike.
“Përveç Marianës që i kërkoj ndjesë dhe e përfshiva në debat por isha e detyruar sepse u quajta se nuk jam paguar dhe se nuk jam e talentuar dhe jo korrekte.”, tha Einxhel.
Discussion about this post