Mbrëmjen e djeshme në “Big Brother Vip”, ka pasur surpriza për të katër të nominuarit, Donaldi, Einxhel, Beniada dhe Arjola.
Arjola pas shumë kohësh ka takuar fëmijët e saj të gjithë ku dhe produksioni i ka bërë një super dhuratë, duke i dhuruar një shtëpi te “Kodrat e Diellit” në Tiranë.
Beniada pati mundësinë të takonte Ponin, këngëtaren që e kishte idhull prej fëmijërisë, këngët e së cilës i këndon dhe shumë herë brenda shtëpisë.
Donaldi teksa po debatonte me Ilirin, “Vëllai i madh” vendosi në jetë lojën “Ngriva” (ku banorët nuk duhet as të flasin dhe as të lëvizin), teksa një zë jehoi në shtëpi. Ishe gjyshi i tij nga Vlora i cili i dedikoi disa fjalë të bukura dhe i tha të nipit se është krenar që i thonë gjysh i Donaldit. Aktori nuk i mbajti dot lotët dhe u prek shumë nga ky moment.
Einxhel është befasuar nga vëllai i saj. Ajo ka treguar se ka një marrëdhënie shumë të mirë, por nuk ja shprehin dashurinë njëri-tjetrit. Einxhel u surprizua shumë dhe në momentin që erdhi vëllai, i cili i tha: “Jemi shumë krenarë për ty”.
Më tej, moderatorja e pyeti se ç ‘mendim ka për Dagzin. “Shumë çun i mirë, ka folur shumë mirë për ty, është interesuar shumë dhe për krahun tënd”, i tha ai.
Discussion about this post