Kryetari i Partisë Demokratike Sali Berisha ka folur nga foltorja e Kuvendit në seancën që po zhvillohet në lidhje me energjinë elektrike. Ai i bëri thirrje të drejtpërdrejtë kreut të qeverisë Edi Rama që të vijë në parlament dhe të mos ketë frikë ta bëjë këtë gjë.
“Mungesa e kreut të qeverisë që ka shndërruar energjinë në një mjet të tmerrshëm dhune financiare, psikologjike ndaj qytetarëve ka shndërruar në një gropë të zezë vjedhjeje nga qeveritarët, e bën këtë debat për një çështje kaq jetike. Ai ka frikë të jetë këtu, por nuk mund të fshihet prapa Belindës, as prapa ju të tjerave zonja ministre. Ju toleroni gjëra të patolerueshme. Debati ishte me kryeministrin, ai nuk është. Ai është përgjegjësi kryesor. Hajde këtu të konfrontojmë të vërtetat,” u shpreh ish-kryeministri Sali Berisha.
Discussion about this post