Më 17 maj 2025, në qytetin Slavonski Brod të Kroacisë u zhvillua turneu ndërkombëtar “Fortress in Nae Cup”, i cili mblodhi mbi 400 sportistë nga pesë shtete të ndryshme: Serbia, Austria, Bosnje dhe Hercegovina, Kroacia dhe Sllovenia.
Shqipëria u përfaqësua denjësisht nga ekipi BM Taekwondo, i cili, megjithëse me vetëm 6 sportistë pjesëmarrës, arriti të grumbullojë 14 pikë, duke siguruar një paraqitje mbresëlënëse në një garë kaq të ashpër.
Rezultatet individuale ishin si më poshtë:
Glon Tanku shkëlqeu duke fituar dy medalje: vendin e parë në Kick Discipline dhe vendin e dytë në dyluftime, në kategorinë 5–8 vjeç.
Drini Xhoga gjithashtu u rikthye me dy medalje të merituara: vendi i dytë në Kick Discipline dhe vendi i tretë në dyluftime, në të njëjtën kategori.
Nikolas Seferaj arriti të sigurojë vendin e dytë në Kick Discipline.
Arklis Sakollari u shpall fitues i vendit të dytë në dyluftime, për kategorinë 9–11 vjeç.
Etien Zoto, përballë një rivaliteti të fortë në kategorinë 9–11 vjeç, arriti të sigurojë vendin e tretë në kategorinë e ushtrimeve.
Ky rezultat përbën një tjetër dëshmi të qartë të përkushtimit, profesionalizmit dhe talentit të trajnerëve dhe sportistëve të BM Taekwondo. Edhe këtë herë, ekipi tregoi nivel të lartë konkurrues dhe përfaqësoi me dinjitet flamurin shqiptar në një aktivitet ndërkombëtar të rëndësishëm.
Discussion about this post