Anëtarët e Këshillit Kombëtar të Partisë Demokratike kanë zgjedhur skuadrën e re me të cilën do të përfaqësohen në legjislacionin e ri. I besuari i kryedemokratit Lulzim Basha për fushatën zgjedhore, Alfred Rushaj ka marrë postin e kryetarit të grupit parlamentae në PD. Alfred Rrushaj, Enkelejd Alibeaj dhe 2 gra, Jorida Tabaku dhe Grida Duma do të jenë katër nënkryetarët e Partisë Demokratike, duke u dhënë kështu më shumë pushtet grave.
Jorida Tabaku do të jetë nënkryetare përgjegjëse për marrëdhëniet me jashtë ndërsa Grida Duma, nënkryetare përgjegjëse për marrëdhëniet me shoqërinë civile. Edmond Spaho, ish-nënkryetari i PD ka kërkuar të mbajë vetëm detyrën e deputetit. Gazment Bardhi do të mbajë sërish postin që kishte, Sekretar i Përgjithshëm i PD-së. Vendin e Bujar Nishanit e ka zënë tashmë Edi Paloka, i cili është zgjedhur Kryetari i Këshillit Kombëtar.
Basha ka zbuluar dhe aksionin e parë politik në legjislacionin e parë të Kuvendit, ndryshimet Kushtetuese. Kryedemokrati tha më tej se PD-ja ka nisur reformimin e brendshëm në funksion të betejës kundër qeverisë, gjë që e konsideron një regjim të korruptuar. Duke iu përgjigjur tërthorazi të larguarve, Basha ka kërkuar që të gjithë pjesëtarët e selisë blu të mbajnë kokën lart.
SKUADRA E RE E PARTISË DEMOKRATIKE:
Nënkryetarë të Partisë Demorkatike: Alfred Rrushaj; Enkelejd Alibeaj; Jorida Tabaku; Grida Duma
Sekretar i Përgjithshëm: Gazment Bardhi
Kreu i Grupit Parlamentar: Alfred Rrushaj
Nënkryetarë të grupit parlamentar të PD-së: Ervin Salianji; Luçiano Boçi
Kryetar i Këshillit Kombëtar të PD-së: Edi Paloka
Kryetar i Komisionit Zgjedhor: Jemin Gjana
Sekretari i Grupit Parlamentar: Arbi Agalliu
Kryetar i Komisionit Të Apelimit, Integritetit Dhe Etikës; Flutura Açka
Partia Demokratike ka përzgjedhur tetë emra për t’ju besuar postet në Komisione. Prurja e re e selisë blu, Agron Gjekmarkaj është pozicionuar në Komisionin për Edukimin dhe Mjetet e Informimit Publik. Jorida Tabaku është vendosur të përfaqësojë PD-në në Komisionin për Integrimin Europian, kurse Komisioni për Punën, Çështjet Sociale dhe Shëndetësinë do të ketë Albana Vokshin. Në Komisionet e tjera do të jenë edhe Oerd Bylykbashi, Sorina Koti, Helidon Bushati e Tomorr Alizoti. Flamur Nokës i është besuar Komisioni për Sigurinë Kombëtare.
Lista e plotë:
Komisioni për Integrimin Europian: Jorida Tabaku
Komisioni për Edukimin dhe Mjetet e Informimit Publik: Agron Gjekmarkaj
Komisioni për Punën, Çështjet Sociale dhe Shëndetësinë: Albana Vokshi
Komisioni për Çështjet Ligjore, Administratën Publike dhe të Drejtat e Njeriut: Oerd Bylykbashi
Komisioni për Ekonominë dhe Financat: Sorina Koti
Komisioni për Veprimtaritë Prodhuese, Tregëtinë dhe Mjedisin: Helidon Bushati
Komisioni për Sigurinë Kombëtare: Flamur Noka
Komisioni për Politikën e Jashtme: Tomorr Alizoti
Emrat e 11 sekretariateve:
Sekretar Për Çështjet Ligjore Dhe Zgjedhore- Ivi Kaso
Sekretar Për Emigracionin Dhe Diasporën —Belind Këlliçi
Sekretar Për Klimën E Biznesit – Flamur Hoxha
Sekretar Organizativ — Ervin Minarolli
Sekretar Për Organizimin Dixhital – Endri Hasa
Sekretar Burimeve Njerëzore— Arta Sakja
Sekretar Për Organizatat Partnere – Orjela Nebiaj
Sekretar Për Pronarët Dhe Çështjen E Pronave- Ledina Mandia
Sekretare Për Të Përndjekurit Politik- Jonila Godole
Sekretar Për Marrëdhëniet Me Publikun – Greta Bardeli
Sekretar i Koordinimit Elektoral – Taulant Zeneli
