Lojërat Olimpike janë shumë afër startimit dhe Shqipëria do ketë përfaqësim dinjitoz nga nëntë prej sportistëve të saj më elitarë.
Matvei Petrov ishte i pari që ka zbarkuar në Tokio, për t’u ndjekur më pas edhe nga pjesa tjetër e atletëve që përfaqësojnë flamurin kuqezi.
Petrov po kalon një formë shumë të mirë dhe nuk ka humbur asnjë minutë duke u stërvitue, ndaj dhe mundësia për të marrë një medalje duket shumë e arritshme.
Ndërsa mëngjesin e sotëm janë nisur drejt Tokios edhe pjesa e fundit e sportistëve kuqezi që do të marrin pjesë në Lojërat Olimpike.
Briken Calja po ashtu shihet si një nga të paktët pjesëmarrës në këto lojëra që mund të marrë një medalje. Ai pati një paraqitje fantastike edhe në Evropianin e fundit, ku mori medalje bronzi në dy garësh. Tashmë gjendur përpara faktit që peshëngritësi turk, Denar Ismailov rezultoi pozitiv me doping, Calja mund të fitojë medalje argjendi.
I gjithë delegacioni kuqezi ka arritur tashmë në Tokio dhe të gjithë atletët i janë nënshtruar kontrolleve të rrepta anti COVID-19, pas rasteve pozitive që kanë rezultuar edhe brenda fshatit olimpik./Gijotina.com
