Në mbledhjet e fundit të organizuar Këshilli Mbikëqyrës i Banës së Shqipërisë ka raportuar se rritja ekonomike do të ngadalësohet përgjatë këtij viti. Sipas të dhënave të publikuara, konsumimi do të dobësohet në mënyrë drastike dhe në të njëjtën kohë edhe investimet do të reduktohen.
“Agresioni ushtarak në Ukrainë dhe sanksionet ndaj Rusisë, kanë ashpërsuar më tej problemet globale me zinxhirët e prodhimit dhe ofertën, duke ndikuar në rritjen e mëtejshme të çmimit të naftës e gazit, të drithërave dhe të metaleve. Projeksionet e reja sugjerojnë presione të qëndrueshme inflacioniste në afat të shkurtër, të cilat mund të shoqërohen me rritje të kostove të prodhimit, rënie të konsumit dhe të investimeve, pra me ngadalësim të rritjes ekonomike”, nënvizon institucioni.
Por, pavarësisht kësaj situate sqaron se, ekspozimi i drejtpërdrejt i sektorit bankar ndaj vendeve në konfliktin e mësipërm, është i vogël dhe nuk do të ndikojë në treguesit e qëndrueshmërisë financiare të veprimtarisë. Sa i përket situatës para këtij kërcënimi të ri, Banka e Shqipërisë vlerëson ecurinë e mirë të sektorit bankar gjatë gjysmës së dytë të vitit të kaluar u zhvillua në mënyrë të qëndrueshme. Depozitat dhe kreditë u rritën me ritme të shpejta, cilësia e kredisë vijoi përmirësimin dhe treguesit e tjerë të qëndrueshmërisë financiare mbetën në nivele të përshtatshme. Në tërësi, ekspozimi i sektorit bankar ndaj rreziqeve u paraqit i kontrolluar.
Discussion about this post