Ekonomia në vendin tonë po jep sinjale pozitive, pasi të ardhurat në buxhetin e shtetit kanë filluar të rriten. Sipas raportit për 8 mujorin të bulikuar sot nga Ministria e Financave, të ardhurat janë rritur me 53.2 miliardë lekë krahasuar me të njëjtën periudhë të një viti më parë.
MFE bën me dije se kontribut kryesorë kanë dhënë të ardhurat e grumbulluar nga Drejtoritë e Dogana. Sakaq, vlen të theksohet se rritja e të ardhurave përkthehet në investime më të larta. “Të ardhurat totale për 8-mujorin e vitit 2021 u realizuan në masën 324 miliardë ose 103 % të planit të 8-mujorit. Krahasuar me një vit më parë të ardhurat kanë rritje prej 53.2 miliard lekë. Të ardhurat doganore (të ardhurat nga TVSH në import, akciza, taksa doganore dhe renta minerare) u realizuan në vlerën 119.1 miliardë lekë, 23 miliardë lekë ose 23.9% më shumë se 8 mujori 2020, si dhe 9.2 miliardë lekë ose 8.4% më shumë se plani i të ardhurave doganore për 8 mujorin e vitit 2021”, thuhet në raport.
Nga ana tjetër bëhet me dije se, edhe deficiti si një tregues kryesor i borxhit publik ka filluar të reduktohet. Në këtë 8 mujor defiçiti buxhetor regjistrohet 22 miliardë lekë se një v it më parë.
“Niveli i deficitit për periudhën 8 mujore të vitit 2021 rezultoi në rreth 31.06 miliard lekë, ose 22.07 miliard lekë më pak se e njëjta periudhë e një viti më parë. Për periudhën 8 mujore niveli i deficitit rezulton 51.9 përqind e planit të periudhës prej rreth 59.85 miliard lekë”, raporton MFE.
E.H /gijotina.com/
