Nëse shqiptarët sot janë në krizë të thellë ekonomike për shkak të çmimeve të larta dhe shumë pamundësisë ekonomike për shkak të kostove të jetesës të cilat nuk janë në proporcion me pagesat, kjo nuk është e njëjtë për ministrat dhe ish-ministrat e Ramës. Shpesh na ka rastisur që t’i shohim duke udhëtuar nëpër botë në takime që s’janë bërë as publike, e në disa raste na është dashur t’i shohim duke ngrënë darka në restorante luksoze të botës, siç ishte rasti i Nusret-it.
Siç duket avazi vazhdon, pasi mjafton të dalësh në një nga kryeqendrat kryesore të Europës dhe është e pamundur mos të takosh ndonjë zyrtar të shtetit. Në disa foto që kanë mbërritur në redaksinë e Gijotina.com, shihet që ish-ministri i Shëndetësisë dhe drejtori i agjencisë “Donacionet e huaja”, Ilir Beqaj, ka vendosur që ditën e pushimit për pashkët t’i kalojë në Milano. Sipas fotove, Beqaj shihet i ulur në një nga kafet duke biseduar me miq të tij dhe më pas shihet duke u larguar i vetëm.
E pse mos të shijoj pushimin jashtë vendit Beqaj, pasi në kohën kur ka qenë ministër i Shëndetësisë është akuzuar jo pak herë për dhënien e koncencioneve dhe tenderëve në shkelje të ligjeve, madje është paditur edhe në SPAK. Edhe tani në krye të Agjencisë së Ramës për Donacionet e Huaja, i japin mundësinë atij që të bredh dhe ta shijojë ditët e pushimit jashtë vendit, ndërkohë që SPAK ende nuk ka vërtetuar abuzimin që ka bërë me taksat e qytetarëve.
Gijotina.com
Discussion about this post