Ditën e sotme ish-ministri i Brendshëm, Saimir Tahiri, është dënuar nga Gjykata e Posaçme Kundër Korrupsionit dhe Krimit të Organizuar, me 3 vite e 4 muaj burg.
Pas vendimit të Gjykatës, Tahiri nuk pranoi që të flasë për mediat, por nxitoi që në sallën e gjyqit të zhvillonte një telefonatë.
Vendimin e Gjykatës e përshëndetën ambasadorja e SHBA-së, Yuri Kim dhe kreu i opozitës Lulzim Basha, ndërsa nga qeveria nuk pati asnjë reagim, pasi siç duket nuk e kanë pritur fortë mirë.
Kjo kuptohet edhe në fotografinë e siguruar nga Gijotina.com, ku në një prej kafeneve të kryeqytetit, pak ditë më parë, saktësisht më 23 janar, shihet ministri i Drejtësisë, Ulsi Manja dhe avokati i Saimir Tahirit, Maksim Haxhia.
Fotoja në fjalë ngre hije dyshimi për bisedën që mund të kenë pasur ministri i Drejtësisë dhe avokati i një ish-ministri tashmë të dënuar, në prag të një dënimi të bujshëm, si kjo e Saimir Tahirit.
Discussion about this post