Përplasja e fortë e Berishës me kreun e PD, Lulzim Basha, e cila nisi pas përjashtimit të ish liderit historik të PD, i cili u shpall non grata nga SHBA ka vënë në lëvizje të gjitha strukturat e Partisë Demokratike nga të dyja krahët me qëllim për të mbledhur sa më shumë fakte për kundërshtarin. Debati është përqendruar si një matës force pikërisht tek dy datat e lajmëruara për mbledhjen e Kuvendit të PD, ku Berisha thotë do të bëhet me 11 dhjetor, ndërsa Basha më 18 dhjetor.
Madje, Partia Demokratike i ka hapur dyert Berishës që 4200 firmat që ai pretendon se ka mbledhur nga delegatët, t’i dorëzojë pranë protokollit, por që kjo gjë nuk është pranuar nga ish kreu i PD, i cili ka vendosur t’i mbyllë në një kasafortë deri më 11 dhjetor. Por, menjëherë kanë dalë disa fakte se firmat nuk janë hedhur nga delegatët, por nga persona, të ndryshëm, duke hedhur akuza se ka manipulime. Kjo e vërtetuar dhe nga kamerat e fshehta të emisioneve investigative.
Pikërisht për këtë arsye, Berisha është vënë menjëherë në lëvizje për të mbrojtur 4200 firmat, ku strukturat e mbledhura pranë tij kanë nisur punën në terren. Gijotina.com ka mësuar ekskluzivisht, se njerëzit që po i rrinë pranë Berishës, kanë nisur të grumbullojnë fshehurazi anëtarë të Partisë Demokratike, me qëllim që ata të deklarojnë para kamerave se kanë firmosur me vullnet të lirë që kongresi i PD të mbahet më 11 dhjetor. Denoncimet në Gijotina.com kanë ardhur nga disa qytete të ndryshme, ku mësohet se kjo po bëhet për të rritur presionin ndaj Bashës, me qëllim që të japë dorëheqjen nga kreu i partisë, si e vetmja alternativë që Berisha të zgjedhë në krye të saj, një njeri të besuar, i cili i jep garanci se nuk do njohë vendimin e SHBA për shpalljen e tij “non ngrata” , ose në pamundësi të gjetjes së një personi të tillë, ai kërkon të rizgjidhet vetë. Kjo për arsye se mbledhja e Kuvendit, pa kaluar në protokollit e PD, cilësohet nul dhe përplasja mes tyre mund të shkojë vetëm në gjykatë.
Pamjet që aktualisht stafi i Berishës po mbledh nëpër qytete të ndryshme mësohet se do të përdoren si armë sekrete prej tij për t’i treguar Bashës se ka mbështetje më të madhe brenda Partisë Demokratike.
Gijotina.com i ka siguruar këto pamje, por për arsye të mos cenimit të të dhënave personale nuk janë publikuar. Sipas atyre pamjeve që disponojmë, të zgjedhur të Partisë Demokratike, tregojnë kartën e identitetit dhe kartën e anëtarësisë, ndërkohë që pohojnë me gojën e tyre para kamerave identitetin dhe funksionin që kanë. Ndër të tjera ata shprehen se janë pro kongresit të 11 dhjetorit. Pikërisht këto pamje, mund të jenë një armë që Berisha pretendon t’i përdorë në gjykatë, ose nëse zgjedh rrugën e presionit, t’i publikojë që të shtojë trysninë ndaj kryetarit aktual që të dorëhiqet.
Basha është shprehur më herët se Kuvendi legjitim i PD-së do të zhvillohet më 18 dhjetor, i thirrur nga Kryesia. Kjo presupozon se në të duhet të marrin pjesë të paktën gjysma e delegatëve (3750), në mënyrë që të konsiderohet legal. Gijotina.com
Discussion about this post