“Eksodi” i legjendave, Inter ofron super-kontratë për mbrojtësin e Real Madrid

Kohë transferimesh të bujshme te Real Madrid. Pas largimeve të mundshme të Asensio, Mariano, Ceballos e Benzema, një tjetër lojtar duket se është pranë lamtumirës.

Kontrata e Nacho Fernandez me Real Madridin skadon në qershor dhe do të vendosë këtë javë nëse do të rinovojë me Blancos apo do të nisë një aventurë të re.

Siç raporton Marca, skuadra e parë që doli për mbrojtësin ishte Interi, i cili i ka ofruar spanjollit një kontratë trevjeçare dhe tani pret të dijë synimet e mbrojtësit.