Duke filluar nga kjo e shtunë do të nisë faza e 1/8-ave të EURO 2020, e cila do të jetë me eliminim direkt. Për ekspertët e statistikave, “TheAnalyst.com”, mes 16 ekipeve në garë janë dy që kanë më shumë shanse për të fituar turneun. Bëhet fjalë për Francën dhe Belgjikën.
I çuditshëm është fakti, se pavarësisht ecurisë fantastike të Italisë në fazën e grupeve, ekspertët e statistikave të cilët bashkëpunojnë me të famshme OPTA për të dhënat e ndeshjeve të futbollit, në tabelat e ndërtuar me shanset për secilën kombëtare, e rendisin Italinë në pozitën e shtatë me vetëm 8 % shanse për të fituar trofeun.
Në këtë analizë merren për baze renditjet historike, rezultatet e fundit, paraqitjet individuale të lojtarëve si dhe rrugëtimin që kanë skuadrat drejt finales. Të gjitha të dhënat simulohen në kompjuter në përballje virtuale, me çdo ndeshje që simulohet 40 mijë herë për të përcaktuar më pas shanset që ka çdo ekip për të vazhduar më tej e për të prekur në fund trofeun.
