Një ekspert bullgar ka deklaruar në studion e ‘Bulgaria on Air’ se tragjedia mund të jetë një akt politik. Hristo Radkov, kryetar i Shoqatës së Shoferëve Bullgarë, tha se ka shumë gjasa që zjarri të jetë shkaktuar nga një shpërthim, duke lënë të kuptohet se mund të jetë një sulm terrorist. Sipas tij, duket shumë e vështirë që autobusi të merrte flakë në atë mënyrë dhe të digjej aq shpejt.
“Edhe nëse pasagjerët do ishin në gjumë, sërish do kishin kohë të reagonin. Por zjarri shpërtheu jashtëzakonisht shpejt. Ka shumë mënyra se si një autobus mund të marrë flakë, por ky është një autobus i ri, me materiale që nuk digjen- prandaj them se aty brenda diçka po digjej me shumë forcë”, tha Radkov.
Kohët e fundit mes Maqedonisë së Veriut dhe Bullgarisë ka pasur mjaft konflikte nga ana politike, pasi kjo e fundit po pengon rrugëtimin e Maqedonisë së Veriut drejt BE-së.
Discussion about this post