Kritikat për buxhetin e viti 2022 nuk ndalen, ku më pak të kënaqurit janë fermerët. Po krahas tyre janë edhe ekspertët e bujqësisë, duke ditur problemet reale të fermerëve ata thonë se fondi është i pamjaftueshëm. Sipas ekspertit Edi Fero, buxheti është shumë i dobët përballë kërkesave dhe nevojave që ka bujqësia, dhe ka një debat midis prodhuesve dhe fermerëve. Madje ai tregon se fermerët shqiptar marrin një fond 7 herë më të ulët se fermerët në vendet e tjera fqinje.
“Sipas analizave tona, ka disa problematika, pa shtuar mungesën e vëmendjes në këtë sektor. Në radhë të parë lobimi. Shtetet fqinje kanë staf të mjaftueshëm, të atashuar në Bruksel që punojnë për të krijuar projekte dhe ura bashkëpunimi midis BE-se dhe vendit të tyre. Mali i Zi ka dyfishin e përthithjeve të fondeve BE në raport me ne”, thotë Fero.
Sipas tij, kjo situatë vjen për shkak të menazhimit jo të duhur të fundeve nga ana e institucioneve përgjegjëse. Ndërsa ka fajësuar dhe Ministrinë e Financave se nuk bën si duhet ndarjen e buxhetit, por vendos pa u konsultuar më parë me grupet e interesit. “Ka të bëj edhe me institucionet që ke në vend. TVSH është shumë e rëndësishme në situatën që kemi, sesi përtej atyre që prodhojnë në mënyrë industriale, të tjerët janë në gjendje skllavërimi, dhe është e rëndësishme që të ndihmohen. Nuk është e vërtet që heqja e TVSH në imputet bujqësore nuk ka dhënë ndonjë efekt. Nuk e di kush është që e trajton situatën në këtë mënyrë, e ka deklaruar vetë kryeministri Rama. Nëse sot kushton 50 lekë një litër qumësht, 70 të vlerës së kostos e zë ushqimi, dhe kjo jep shkas për evazion fiskal”, deklaroi ai, ndërsa i kërkoi qeverisë të rishikojë dhe njëherë fondin për fermerët dhe të rrisë subvencionet për ta.
Discussion about this post