Në projektbuxhetin 2022 qeveria parashikon indeksimin e përvitshëm të pensioneve me një vlerë fare të ulët, duke vënë në dispozicion një fond prej 2.6 miliardë lekë, që përkthehet në shifra vetëm 6 mijë lekë. Në lidhje me këtë indeksim të papërfillshëm ka reaguar sot eksperti i ekonomisë, Pano Soko, i cili thotë se i vjen turp për këtë fakt
Në një intervistë televizive Soko shprehet se pensionet që marrin të moshuarit nuk dalin as për nevojat bazike, bukë e ujë. “Ne duhet të na vijë turp dhe mua më vjen turp si individ si person që kam kontribuar në këtë shoqëri që akoma sot vendi im nuk e përballon minimumin jetik. Mendoni se çfarë deficiti do të krijohet në skemën e pensioneve në qoftë se pensioni minimal, atë në fshat po themi, që sot është 90 mijë lekë të vjetra as për bukë e ujë nuk ju del po ti pjesëtosh me 30 ditë ju bie 3 mijë lekë,1 mijë lekë bën buka”, tha ai. Sipas Sokos, është vërtetë tragjedi që ne sot pas 30 vitesh nuk ju sigurojmë dot pjesës më të madhe të shoqërisë minimumin jetik.
Discussion about this post