Evazioni nuk është vetëm rezultat i abuzuesve nga sektori privat. Shpesh, janë vetë institucionet apo SHA-të publike që shmangin detyrimet për kontributet shoqërore. Akoma më keq, vetë institucionet bëhen palë në gjallërimin e evazionit duke favorizuar biznese me të shkuar të errët.
Një plagë që po rrezikon seriozisht skemën e pensioneve. Raporti i brishtë kontribues-përfitues investiguar edhe më herët nga Inside Story, është gjendur si justifikim për pamundësitë e rritjes së pagesave për këtë shtresë të pamundur. Evazioni është i shumëanshëm dhe nuk rrezikon vetëm të moshuarit por ekonominë e vendit në tërësi. Ndryshimet e vazhdueshme në ligjin për tatimet, shpesh demotivojnë subjektet për shlyerjen e detyrimeve.
“Në Shqipëri taksa me shkallë ka sjellë një përqasje ndaj qëndrimit për ta paguar atë ose jo për mua të gabuar. Sistemi me shkallë është një sitem i cili krijon dallime dhe veç kësaj në mënyrën se si është organizuar godet shtresën e mesme, shtresa e cila është shtylla kurrizore e zhvillimit”, u shpreh Suzana Guxholli, eksperte ekonomie.
“Ka një tendencë për të rënduar taksën mbi punën për të lënë në favor taksën mbi kapitalin. Askush nuk u thotë shqiptarëve që mund të flitet për ndoshta për 600 mln euro apo më shumë që nuk mblidhen në buxhetin e shtetit, një shifër kolosale për shkak të privilegjeve fiskale që janë bërë për kompani të caktuara” u shpreh Zef Preçi, ekspert ekonomie.
Rritja e pagës minimale ishte një lajm pozitiv, por përfaqësues të opozitës e kanë parë me skepticizëm në një tjetër drejtim. Rritja e detyrimeve sipas tyre mund të demotivojë pagesën e kontributeve.
Discussion about this post