Eksperti i ekonomisë, Selami Xhepa, ka komentuar ditën e sotme buxhetin e vitit 2022. Xhepa tha gjatë një interviste televizive se, qeveria po pakëson investimet publike dhe po jep më shumë para për koncesionet, çka e dëmton shumë ekonominë dhe gjendjen financiare të vendit.
Sipas rij, këto hapa të nxituara çojnë në rritjen e borxhit publik dhe thellojnë krizën ekonomike. “Që këtë vit për shembull kemi 100 milionë euro më pak investime se vitin e kaluar. Në vazhdimësi do kemi gjithnjë e më pak investime publike sepse kjo është konsideruar si e vetmja mënyrë për të mbajtur nën kontroll deficitin. Mirëpo ulja e tyre vazhdimisht dhe zëvendësimi i tyre me PPP sjellë një problem kritik që ka të bëjë me transparencën e investimeve publike, me eficencën dhe shpenzime të tjera që i shtohen borxhit publik pavarësisht se nuk shfaqen në regjistrin e qeverisë”, tha ai.
Xhepa tha se qeveria e ka shpërndarë buxhetin në mënyrën e gabuar, pasi po jep më shumë para për dërgimin e satelitëve në hapësirë dhe nga ana tjetër ka reduktuar fondet për familjet në nevojë. “Kështu që në pikëpamjen time, ky buxhet janë 2 satelitët që do ngrihen në hapësirë edhe dronët sepse elementët e tjerë janë njëlloj si në vitet e kaluara. Mbështetje të të njëjta kontratave të PPP-ve, ndërsa mbështetje për ndihmat ekonomike, është 1.2 miliardë lekë më pak sesa vitin e kaluar. Kjo do të thotë se agjenda sociale përkeqësohet, mbështetja buxhetore bie”, tha eksperti. Sakaq, ai bëri thirrje qeverisën që të mos bëjë ndryshime ka të shpeshta në buxhet, pasi po dëmton më shumë bizneset.
Discussion about this post