I ftuar në një emision televiziv eksperti i ekonomisë Klodian Muço deklaroi se Shqipëria është ndër vendet me të shtrenjta për çmimin e naftës.
“Ky si shtet me takson mua dy herë. Një herë që e paguaj tek nafta dhe njëherë që e paguaj tek trau i rrugës në momentin që unë kaloj në rrugë. Përtej debatit që kush i ka ndërtuar, privati apo shteti, ti nuk mund të më taksosh dy herë. Taksimi i dyfishtë është i ndalur ndërkombëtarisht. Nuk lejohet që shtetet e ndryshme të taksojnë dy herë të njëjtin person. Imagjino këtu që taksohesh dy here për të njëjtin shërbim. Paguan një herë tek nafta 27 lekë për litër dhe njëherë pastaj e paguan tek rruga, sepse rruga është me pagesë.
Kjo është më e dhimbshmja tek pjesa e naftës. Për sa i përket pastaj akcizës, nafta në fakt është kthyer, taksimi i naftës, është kthyer si një nga burimet më të mira për sa i përket të ardhurave të shtetit. Kështu që shteti shikon në një farë mënyrë që tek nafta mund të mblidhen shumë të ardhura dhe kjo është një formë që si të mbushim të ardhurat fiskale apo si të mbushim arkat e shtetit me të ardhura dhe jo në fakt tek vendosja e një akcizë apo tek vendosja e një takse që qëllimin final ka që të frenojë këto fenomenet negative që shkakton konsumimi i këtij produkti”, tha ai.
Ndërsa shtoi se ne këtë vend ne taksohemi dy herë për të njëjtin shërbim, edhe pse këto të fundit nuk janë në nivelet e duhurua.
“Në rastin konkret, Shqipëria konsiderohet në vendet më të shtrenjta për çmimin e naftës. Bën pjesë tek vendet me çmimet me të larta të çmimit të naftës. Dua që Shqipëria të jete vend i pastër. Por të dhënat e fundit e nxjerrin që Shqipëria është nja nga vendet më të ndotura në Evropë. Dhe një nga arsyet e ndotjes është edhe konsumi i naftës jo cilësore. Përtej, pastaj aspektit të sigurisë së makinave që në disa raste janë makina relativisht të vjetra. Por në momentin kur ti jeton në vendin më të varfër të Evropës, duke parë edhe shpenzimet e qytetarëve shqiptarë për shëndetin, tregon në një farë mënyre se kaq janë mundësitë e shqiptarëve. Të gjithë do të donin të kishin një makinë të re që ndoste më pak ambientin, por që në fakt këto janë mundësitë. Jemi ndoshta i vetmi vend që pagat me sektorin publik janë më të larta se në sektorin privat. E kuptoni ku kemi arritur. Sa shumë paradokse ka ky vend”.
Discussion about this post