Eksperti i IT, Gent Progni ka deklaruar se drejtuesi i satelitëve të hedhur në hapësirë është një ndër personat më aktivë në aplikacionin “Aktivisti”.
“Është një listë me 70 mijë punonjës që do e bëjmë publike sot. Drejtuesi i dy satelitëve që kemi ngritur në hapësirë është i dyti në këtë aplikacion. Është më aktivi. Ky është problem më i madh sepse është shfokusuar puna e administratës. Ata nuk merren më me punët për të cilën paguhen. Kohën më të madhe e kalojnë duke u marrë me Aktivistin”, tha Progni në Panorama TV.
Ai shtoi se ky aplikacion është ndër më të shtrenjtët për tu krijuar dhe mund të kushtojë deri në 200 apo 300 mijë dollarë.
“Aplikacioni është shumë i kushtueshëm nga 200 deri në 300 mijë dollarë do shumë kohë për tu ndërtuar mbi gjashtë muaj ose një vit, është një ndër aplikacionet më të kushtueshme në treg. Me aq sa kam parë ka lënë për të dëshiruar mënyra si është programuar”, tha Progni.
Discussion about this post