Eksperti i sigurisë tregon çfarë mund të ndodhë në Ukrainë: Kam frikë se…

Eksperti i sigurisë Arben Çuko ka komentuar situatën në Ukrainë, e cila është në ditën e katërt të pushtimit rus. Çuko shprehet se armatimet me të cilët Perëndimi po ndihmon Ukrainën janë shumë efektive dhe se deri më tani ushtria ukrainase po i bën ballë ofensivës ruse.

“E vetmja që gjë që mund të ndihmojë Perëndimi për Ukrainën janë furnizimi me raketat anti tank dhe anti-ajër dhe këto lloj dy sistemesh janë të vetmet që Ukraina mund t’i bëjë ballë forcave ruse. Luftimet më të ashpra po bëhen në periferi të qyteteve, ku ushtria ruse është e detyruar të kanalizohet në rrugët e blloqeve të banimit të periferive. Këto armë që ka dhënë perëndimi janë pikërisht shumë efektive në këtë ambient lufte që është zhvilluar deri më tani. Është vetmja taktikë ushtarake kundër një ushtrie në supermaci, pra që kolonat e tankeve të goditen kur copëtohen. Nëse do ketë vullnet populli dhe ushtria ukrainase, dhe ushtria ruse do stopohet, kam frikë se do t’i kthehen taktikës së rrafshimit të qyteteve”, u shpreh Arben Çuko