Nuk janë të pakta rastet kur qytetarët denoncojnë se kanë marrë produkte të skaduara në markete. Kjo ndodh për shkak se shpesh herë produkteve iu mbulohet data reale e skadencës dhe iu vendoset një datë tjetër fiktive. Alarmin për këtë çështje e ka ngritur sot eksperti i sigurisë ushqimore, Ilir Pilku, i cili tha se nga mungesa e kontrolleve edhe në supermarketet gjenden produkte që janë në limitet e skadimit.
Sipas tij, kjo përbën rrezik për shëndetin e konsumatorit, i cili edhe paguan për to. Ai tha gjatë një interviste televizive se, për në këtë pikë duhet që shoqatat e konsumatorit të luajnë një rol më të madh. “Shoqatat e konsumatorit duhet të kenë një rol më të qartë dhe deciziv. Të falsifikosh datën e skadencës është krim. Nuk kam asnjë informacion që një qytetar i dëmtuar nga një produkt në shkelje me rregullat e sigurisë ushqimore të jetë marrë ndonjë veprim”, u shpreh ai. Ndërsa tha se autoritet kontrolluese duhet të shtojnë akoma më shumë masat ndaj atyre që shkelin rregullat.
Discussion about this post