Eksperti në fushën e informacionit dhe të sigurisë, Besmir Semanaj deklaroi se hakerat kanë qenë ende brenda sistemeve tona, të paktën deri javën e shkuar.
I ftuar në emisionin “Open”, ai tha se qeveria e ka të mundur që të kuptojë dhe të zbulojë sasinë e informacionit që është marrë nga hakerat në sistemet tona.
“E kuptoni sa të dobishme kanë qenë informacionet e patronazhistëve dhe pagave për hakerat? Kjo organizatë terroriste që sulmoi Shqipërinë i ka shfrytëzuar këta persona për të marr të dhënat. Ndodhi sulmi i korrikut, institucionet u nxituan të kthenin në punë këto sisteme. Jashtë nuk sulmohet dot se nuk ke akses, pra u sulmua nga brenda.
Jo nga persona, nga pajisje që janë akoma brenda rrjetit që kanë qenë të infektuara dhe nuk janë pastruar siç udhët. Ditën e hënë kemi pasur sulme nga pajisjet shtetërore shqiptare ndaj infrastrukturës kriptike të Kosovës, pra deri javën e kaluar ata hakerat janë ende brenda.
Shteti e ka shumë të thjeshtë të nxjerri, mjafton të shikon logot në fireuall dhe mund të kuptohet sasi e marrë e informacioneve”, tha eksperti.
Discussion about this post