Eksperti i sigurisë Faik Basha, i ftuar në një emision televiziv, foli për atentatin ndaj Gentian Bejtjas, ngjarje kjo e ndodhur ditën e premte (15 mars) pranë shtëpisë së tij në Larush të Fushë-Krujës, ai u shpreh se atentatorët kanë patur informacion të sigurt që Gentiani vizitonte shtëpinë dhe morën të gjitha masat për eliminim të sigurt të tij.
“Pozicioni i vendosjes gjeografike të apartamentit ofron njëfarë mbrojtje dhe sigurie për shkak të vendndodhjes. Mendoj se diku larg apartamenteve ka pika të largëta që mund të bëhet vëzhgim i largët., Kjo ka qenë pikë e dobët e vendosjes dhe që e kanë shfrytëzuar atentatorët për të qenë të suksesshëm. Ata kanë pasur informacion të sigurt se Gentiani ndodhej në shtëpi, që e vizitonte herë pas here shtëpinë. Gjatë këtyre kohëve që e kishin në ndjekje, ai ka shkuar atje, ka vizituar prindërit dhe ata kanë patur informacion të herëpashershëm. Duket që është një atentat i mirëorganizuar dhe ka kërkuar kosto dhe kohë të gjatë për të patur një sukses.
Atentatorët kanë kërkuar që kësaj here të mos gabonin dhe për çfarëdolloj arsye që shkonte keq, ata kishin marrë të gjitha masat për një eliminim të sigurt”, tha Basha.
Discussion about this post