Ditën e sotme ka dalë ekspertiza mjeko-ligjore për shëndetin mendor të autorit i cili masakroi 8-vjeçarin në Fier, ku fillimisht e dhunoi dhe më pas e groposi.
Në ekspertizën mjeko-ligjore thuhet se Klodian Çalamani nuk ka probleme të shëndetit mendor.
Ky i fundit është izoluar që prej mbrëmjes së të enjtes në paraburgimin e Vlorës. 38-vjeçari u transferua gjatë natës, për të qenë më i mbrojtur nga një sulm i mundshëm i familjarëve të fëmijës së vrarë ose personave të tjerë në paraburgimin e Fierit. Edhe në Vlorë, ai mbahet nën masa të rrepta sigurie, ndërsa burimet thonë se qëndron i heshtur në gjendje të rënduar psikologjike.
Ndërsa të enjten, Gjykata e Fierit caktoi masën e sigurisë arrest me burg për 38- vjeçarin mes tensioneve dhe përplasjeve, pasi familjarët e 8-vjeçarit hynë me forcë në institucion duke kërkuar dënim me varje.
Paralelisht ata nisën një fushatë të mbledhjes së firmave të nevojshme për të kërkuar rikthimin e dënimit me vdekje.
Klodian Çalamani rrëmbeu, vrau dhe më pas varrosi 8-vjeçarin Mateo Vasiu në oborrin e banesës në Greçalli të Fierit, e cila vijon të ruhet nga policia si skenë krimi.
Discussion about this post