Policia e Tiranës ka bërë me dije se mëngjesin e sotëm ka shpërthyer një makinë e cila ka qenë në lëvizje, sipas njoftimit të policisë dyshohet se shpërthimi është shkaktuar nga lëndë plasëse.
Nga ky shpërthim raportohet se kanë mbetur të plagosur dy persona, drejtuesi i mjetit dhe pasagjeri.
“Më datë 07.01.2022, rreth orës 02:50 të mëngjesit, në Unazën e Re, në afërsi të rrethit të Selitës, në rrethana ende të paqarta ka shpërthyer dyshohet lëndë plasëse në mjetin në lëvizje, me drejtues shtetasin M. H., 42 vjeç dhe pasagjer shtetasin S. D., 26 vjeç”, thuhet në njoftim.
Uniformat Blu kanë njoftuar gjithashtu se personat e lënduar ndodhen në spital, por pa dhënë detaje për gjendjen e tyre.
“Grupi hetimor nën drejtimin e Prokurorisë po punon për sqarimin e rrethanave të ngjarjes”, mbyll njoftimin policia.
Discussion about this post