Vënia e eksplozivit pas mesnatës së mbrëmshme në një automjet në Unazën e Re të Tiranës, mund të lidhet me të shkuarën e drejtuesit të mjetit. I identifikuar si Mikel Harizaj, 42 vjeçari më datë 10.04.2009, ka sulmuar me granatë tre shtetas, pas një konflikti. Fillimisht ai është konfliktuar me këto tre persona në ambientet e brendshme të një lokali, më pas ai ka shkuar në makinën e tij të cilën e kishte të parkuar afër lokalit nga ku ka marrë një granatë dore, me të cilën ka sulmuar shtetasit E A., G. A., dhe A. S.
Nga shpërthimi i granatës është plagosur rëndë shtetasi G. A., dhe më lehtë 2 të tjerët. Kjo ngjarje e vitit 2009 është shënuar në Selenicë të Vlorës dhe dyshohet se mund të jetë e lidhur me atentatin e kryer mbrëmë ndaj 42-vjeçarit, i cili po udhëtonte së bashku me Serin Dumin 26 vjeç, ku të dy mbetën të plagosur dhe po marrin ndihmë mjekësore.
Discussion about this post