Ambasadorja amerikane, Yuri Kim ka qenë e pranishme, në Ish-kampin e internimit në Tepelenë, teksa u hap ekspozita e përhershme. Kim është shprehur, se është e nderuar të ishte pranë të përndjekurve në këtë ditë ku janë përkujtuar vuajtjet e mbi 3 mijë njerëzve në këtë kamp janë objekt i ekspozitës për të cilën. Ajo gjithashtu shkruan se është prekur nga historitë e dëgjuara, pasi në këtë kamp në dy muaj vdiqën nga sëmundjet në vitin 1950, 285 fëmijë.
“Isha e nderuar t’iu bashkohesha ish-të përndjekurve politikë dhe të afërmve të tyre për inaugurimin e ekspozitës së jashtme të përhershme në ish-kampin e internimit në Tepelenë. Gjatë funksionimit të tij në vitet 1949-1953, kampi i Tepelenës mbajti mbi 3000 njerëz, në kushte të tmerrshme. Vetëm gjatë dy muajve në vitin 1950, vdiqën nga sëmundjet 285 fëmijë. U preka kur dëgjova Simon Mirakajn, i cili u detyrua të jetonte atje nga mosha katër deri në nëntë vjeç, të fliste për atë që ai dhe të tjerët duruan në kamp. Është shumë e rëndësishme që autoritetet shqiptare të vazhdojnë të mbledhin dhe të publikojnë dokumente dhe të dhëna në lidhje me këtë pjesë të dhimbshme të historisë së Shqipërisë. Njerëzit vazhdojnë të vuajnë, veçanërisht ata që nuk kanë gjetur ende eshtrat e të dashurve të tyre. Paqja nuk mund të vijë pa të vërtetën dhe pajtimin” – shkruan ambasadorja e SHBA-së Yuri Kim.
Discussion about this post