Interpol Tirana ka finalizuar me sukses dy operacione të ndara për ekstradimin e shtetasve shqiptarë të shpallur në kërkim ndërkombëtar, të cilët ishin dënuar nga gjykatat vendase për vepra të ndryshme penale.
Si rezultat i bashkëpunimit të ngushtë me autoritetet e huaja ligjzbatuese, janë sjellë në Shqipëri dy persona:
Ekstradimi nga Mbretëria e Bashkuar: Është sjellë në vendin tonë shtetasi Kostandino Tahiri (K. T.).
Ky shtetas ishte dënuar në vitin 2021 nga Gjykata e Rrethit Gjyqësor Tiranë me 3 vjet burgim, për veprën penale të “Plagosjes së rëndë me dashje”.
Ekstradimi nga Greqia: Nga ambientet e Athinës është ekstraduar shtetasi Andrea Biti (A. B.). Ai ishte dënuar në vitin 2024 nga Gjykata e Shkallës së Parë të Juridiksionit të Përgjithshëm Fier me 8 muaj burgim, për veprën penale të “Vjedhjes”.
Të dy shtetasit i janë dorëzuar Drejtorisë së Përgjithshme të Burgjeve për kryerjen e procedurave të mëtejshme dhe vuajtjes së dënimeve të dhëna nga drejtësia shqiptare.
Discussion about this post