Ministria e Drejtësisë dërgon 3 draft marrëveshje në ministrinë e Jashtme për Emiratet e Bashkuara Arabe me të cilën kërkohet lidhja e një marrëveshje ekstradimi, transferimi i te dënuarve dhe bashkëpunim në fushën penale.
Qëllimi është ekstradimi i të dënuarve dhe personave në kërkim që strehohen në këtë shtet me të cilin Shqipëria nuk ka marrëveshje.
Gjithashtu në draft parashikohen edhe bashkëpunime në fusha të tjera penale. Nga ana tjetër burimet janë të rezervuara për të dhënë detaje rreth emrave konkret për të cilët kërkohen ekstradimet për llogari të drejtësisë shqiptare.
Pas kësaj faze, pritet edhe një qëndrim nga Emiratet e Bashkuara Arabe lidhur me kërkesën e bërë nga Shqipëria.
Kujtojmë se disa ditë më parë, Shqipëria u vizitua nga zyrtarë të nivelit të lartë të qeverisë së Emirateve, ku është diskutuar lidhur me fushat e bashkëpunimit që mund të krijohen.
Kujtojmë se në Dubai jetojnë të lirë shumë të kërkuar të drejtësisë shqiptare.
Discussion about this post